...

   Веска, цэнтр Гарбахскага сельскага савета i СВП «Гарбаха-агра». За 16 км. на Пауднёвы Захад ад Іванава, 11 км. ад чыгуначнай станцыі Снітава.

   Назва вёскі Гарбаха паходзіць ад слова горб, што азначае схіл узгорка.

   Паводле інвентароў 1846-1848 гг. - вёска і хутар знаходзіліся ў складзе канфінскаванага маёнтка Варацэвічы Кобрынскага павета. Гродзенскай губерні, які знаходзіўся ў карыстанні памешчыцы Жазафіны Орды (да 1859 г). У той час у вёсцы налічвалася 89 двароў, на хутары ідвор. На 1848 г.у вёсцы 354 душы, працавала карчма, на хутары Гарбашка было 2 жыхары. Пасля 1861 г. была заснавана цагельня. На 1866 г. веска знаходзілася ў Варацэвіцкай воласці. У 1905 г. у вёсцы налічвалася 911, а на цагельным заводзе 11 жыхароў. Пры падзеле зямлі паміж в.Варацэвічы і в.Гарбахаў 1912 г. была створана дзяржаўная дача: надзелены зямлёй 174 дзяржаўных сялян вёскі, выдзелены зямля для агароднікаў і салдацкія участкі. У 1915-1918 гг., веска была акупіравана германскімi, а з 1919 г., польскімі войскамі. 3 1921 г. пасля падпісання Рыжскага мірнага дагавора ў складзе Польшчы. У часы акупацыі жыхары вёскі Гарбаха Сачывічык Іван Ігнатавіч 1908 года нараджэння, Сачывічык Фёдар Іларыёнавіч 1906 года нараджэння, i Лось Барыс Андрэевіч 1910 года нараджэння, арганізавалі невялікую падпольную арганізацыю і вялі барацьбу супраць польскіх улад. На 1924 г., веска знаходзілася ў Варацэвіцкай гміне Драгічынскага павета Палескага ваяводства. Тады ў вёсцы налічвалася 74 будынкі i 368 жыхароў. 3 20 снежня 1925 г. увайшла ў склад Асавіцкай гміны. У гэты час ў вёсцы працавала школа, у якой налічвалася 80 вучняў. 3 восенні 1939 г. пасля уз’яднання Заходняй Беларусі з БССР веска знаходзіца ў складзе БССР. На 12 кастрычніка 1940 г. веска з’яуляецца цэнтрам Гарбахскага сельскага Савета Іванаўскага раёна Пінскай вобласці. У той час у вёсцы налічвалася 148 двароў і 720 жыхароў, працавала пачатковая руская школа. У Гарбахскім сельсавеце дзейнічалі 3 цагельні (немеханізаваныя), 3 пачатковыя школы. У 1941-1944 гг. веска была акупіравана нямецка-фашысцкімізахопнiкамі ўваходзіла ў рэйхскамісарыят Украіна".

   У гады Вялікай Айчыннай вайны жыхары вёскі Гарбаха удзельнічалі ўбарцьбе супраць нямецка-фашысцкіх захопнікаў. 3 першых дзён акупацыі вёскі жыхары пачалі арганізоўваць падпольную арганізацыю па барацьбе з фашыстамі. Узначаліў яе старшыня сельскага савета Хоміч Васіль Пятровіч 1914 г. нараджэння. У кастрычніку 1941 г. ён быў выдадзены здраднікам i растраляны нямецкімі захопнікамі. Разам з ім былі растраляны жыхары вёскі Сачывічык Ф.І. Сачывічык I.І i Лось Б.А. 3 1942 г. у ваколіцах вёскі дзейнічала партызанская брыгада пад кірауніцтвам Герасімава Mixaiлa Іванавіча. У партызанскую зону пайшлі сем’і Хвісюка Аляксея і Хвісюка Пятра, Сачывічык Алены, Пілінкевіча Івана, Бандзюка Грыгорыя. За сувязь з партызанамі быўзабіты Hiканчук Іван Канстанцінавіч. Усяго за гады вайны ў партызанах загінула 3 і растраляны акупантамі 10 жыхароў вёскі. 3 франтоў 2-й сусветнай вайны 1939-1945 гг. не вярнуліся 29 воінаў-землякоў. На ушанаванне памяці вяскоўцаў, якія загінулі на франтах Вялікай Айчыннай вайны, у 1969 г. пастаўлены помнік (аўтар I.K. Мельшчук), 15 ліпеня 1944 г. веска, як і ўся Іванаўшчына была вызвалена і распачалося мірнае будаўніцтва. 3 8 студзеня 1954 г. веска знаходзіцца ў Брэсцкай вобласці. Паводле перапісу 1959 г. ў вёсцы налічвалася 379 жыхароў. У сельсавеце налічвалася 40 вёсак і хутароў. У двух прыстасаваных будынках дзёйнічала пачатковая школа, у 1961 г. - налічвалася 77 вучня. У 1962-1965 гг. веска знаходзіцца ў Драгічынскім раёне. Паводле перапісу 1979 г. у вёсцы налічвалася 716 жыхароў. У 1969г. у вёсцы быў пабудаваны магазін. У 1986 г. у вёску пераселены жыхары з мясцін, забруджаных радыяцыяй пасля чарнобыльскай трагедыі.

   26 сакавіка 1949 г. у вёсцы створаны калгас "Наперад да камунізму" які аб’яднаў 24  гаспадаркі. Першым старшыней быў выбраны Мацвейчык Сцяпан Андрэевіч. Першымі сярод жыхароў вёскі ў калгас ўступілі Лось Аляксандр Емельянавіч, Ігнатчук Рыгор Васільевіч, Керазь Пётр Сямёнавіч, Карпук Соф’я Аляксандраўна. 10 кастрычніка 1950 г. увайшоў у склад калгаса імя Молатава, а веска Гарбаха стала яго цэнтрам. У калгасе таксама працавалі жыхары навакольных хутароу Вілы, Гора, Грэдка, Быстрыца, Каза, Дзідава, Задзвір"е, Скірка, Чарнетын.

   26 чэрвіня 1957 г.  калгас імя Молатава   перайменаваны ў калгас “Зара”, а 28 студзеня 1959 г.  быў значна ўзбуйнены, у яго састаў увайшлі в.Заваяцін, в.Кліменцінава,в. Овзічы. З 15 лютага 1963 г.  пачаў называцца “Праца”. З 2003 г.  веска - цэнтр СВК “Гарбаха –Агро”.

   У 2021 годзе пражывала 481 жыхара.