...

   Згодна звестак,  якія аставілі пасля сябе старэйшыя, гэтая веска ўтварылася ў перыяд з 1910 па 1914 гады на аснове некалькіх хутароў, якія ўзніклі недалёка ад ракі Піна. Аднымі з першых пасяленцаў, якія заснавалі тут хутар былі Панасавец Піліп і Панасавец Улас. Магчыма адсюль і назва –  “Уласава зямля”. А калі ў гэтых мясцінах пасяліліся  іншыя, узнік невялікі населенны пункт, які і атрымаў назву– Уласаўцы-2, так як ужо  ў той час існавала вёска Уласаўцы, побач з вескай Адрыжын, якія з цягам часу зліліся ў адну. Першыя пасяленцы былі  з в. Адрыжын і Уласаўцы. Вось адны з першых  пасяленцаў:

     Панасавец  Піліп Пракопавіч,

     Дрычыц Федар Платонавіч,

     Кунахавец Афанасій Мікалаевіч,

     Панасавец Улас Федаравіч,

     Панасавец Дар’я Пракопаўна.

   Паступова  паселішча павялічвалася, асабліва пасля перасялення з хутароў, што  дазволіла адкрыць у весцы васьмігадовую школу, якую ўзначаліў Сіліванюк Іван Мартынавіч у 1964 годзе. З цягам часу школа ператварылася ў пачатковую, але ў 1976 годзе яна была закрыта і дзеці прадоўжылі навучанне ў Адрыжынскай СШ.

   У 2018 годзе - 55 жыхары.