...

      21 лютага ва ўсім свеце адзначаецца дзень роднай мовы, мэтай якога з’яўляецца абарона моўнай і культурнай разнастайнасці.Менавіта гэтаму святу быў прысвечаны літаратурны  час “Табою сагрэты – роднае слова”,  які прайшоў  у Іванаўскай дзіцячай бібліятэцы. Удзел у мерапрыемстве прынялі вучні 7 В класа СШ № 3 г. Іванава.

      Навучэнцы школы акунуліся ў свет роднай беларускай культуры. Уважліва слухалі вершы  аб мове класікаў беларускай літаратуры.

      Песні і казкі, прыказкі і прымаўкі, легенды і паданні, жарты і загадкі роднага краю... Колькі ў іх глыбокай мудрасці і высокай паэзіі, колькі святла душы таго, хто іх ствараў, — душы працоўнага люду.

      Школьнікі з гонарам прыйшлі да высновы  аб тым, што ім у спадчыну засталася ўнікальная мова – жывая і мілагучная, песенная і паэтычная, мова бацькоў і дзядоў, вялікі нацыянальны скарб.