...

У год гістарычнай памяці і  святкавання 140 – гадовага юбілею  Я. Купалы і  Я. Коласа сельская бібліятэка аг. Псышчава разам з работнікамі Дома культуры і сярэдняй школы, а таксама сельскай бібліятэкай аг. Дружылавічы запрасілі сваіх чытачоў на літаратурна-музычную кампазіцыю “На кожнай сцяжынцы іх песня і голас”.

Пад час мерапрыемства, якое  суправаджалася мультымедыйнай прэзентацыяй  аб жыццёвым шляху песняроў, выявамі беларускіх краявідаў, гучалі вершы з вуснаў чытальнікаў і песні на словы  паэтаў, а таксама вершы, якія ўслаўляюць нашых класікаў, родную мову, беларускі народ і  родны край у выкананні Святланы Аскірка, Віталя Новіка і Ігара Варатніцкага, Яны Валошынай.

Таксама была падрыхтавана інсцэніроўка  ўрыўка з п’есы “Шчасце паэта” В. Віткі. Удзельнікамі якой былі Пернач Ягор і  Мазур Ігар, вучні 9 класа.

Жыццевы і творчы шлях  Я. Купалы і Я. Коласа - гэта нібы песня  лебядзіная,   дзе   шэпчацца явар  з калінаю. І мы павінны памятаць духоўны запавет нашых песняроў - любіць, шанаваць, берагчы ўсё роднае, рабіць усё магчымае для Беларусі і яе будучыні.