Нарадзіўся ў 1925 годзе ў вёсцы Гарбаха Іванаўскага раёна. Вучыўся ў польскай школе. Прызваны ў Чырвоную Армію летам 1944 года. Прыняў воінскую прысягу 9 кастрычніка 1944 года пры 197-м армейскім стралковым палку. Адразу пасля вучэбкі яго адправілі ў Латвію.

   Васілій Андрэевіч удзельнічаў у штурме Кёнігсберга. Там быў паранены, але раненне было легкім. Пасля шпіталя зноў пайшоў змагацца з ворагам. Васілій Андрэевіч быў у званні старшыны супрацьтанкавага артылерыйскага палка. Ваяваў у Германіі, затым супраць Японіі.

   Ён быў узнагароджаны ордэнам Айчыннай вайны І ступені, медалямі "За узяцце Кёнігсберга", "За перамогу над Германіяй", "За перамогу над Японіяй".

  Пасля вайны Васілій Андрэевіч працаваў сакратаром Гарбахскага сельскага савета, а з  1967 года і да выхаду на пенсію – старшынёй вышэй названага сельсавета.

   Памёр 20 снежня 1989 года ў вёсцы Гарбаха.