Нарадзіўся ў 1924 г. у в. Гарбаха Іванаўскага раёна. Вучыўся ў польскай школе. 18-гадовым юнаком стаў сувязным партызанскага атрада імя Калініна. У 1943 годзе атрымаў павестку аб адпраўцы ў Германію, але яго дзядзька, Шэдзька Сяргей, быў партызанам і забраў яго ў свой атрад. Разам з партызанамі ён хадзіў на заданні, навокал бачыў смерць, і гэта болем адгукалася ў яго сэрцы. Але, нягледзечы на гэта, зноў і зноў спяшаўся ў самае пекла бою, пад кулі і снарады. Аляксей, як ўсе, баяўся смерці, але ў баі пра яе забываў. Бог ратаваў ад смерці.

   Летам 1944 г. быў прызваны ў Чырвоную Армію. Ваенная спецыяльнасць –  сапёр.  Ваяваў у Латвіі, Польшчы, Фінляндыі. У Фінляндыі ў 1945 годзе і сустрэў перамогу. Прымаў удзел у баявых дзеяннях на Далёкім Усходзе супраць Квантунскай арміі.   

   Быў узнагароджаны медалямі "За перамогу над Германіяй", "За перамогунад Японіяй" ордэнам Айчыннай вайны ІІ ступені.

  Працаваў трактарыстам у Гарбахскім калгасе. 

  (На фотаздымку Аляксей Мікалаевіч у ніжнім радзе першы злева.)