Ворага  прагналі  з  роднай  зямлі, нашы  хлопцы  змагаліся  з  фашыстамі і  на  тэрыторыі  Еўропы.  А  бандыты, апантаныя  сваімі  планамі,  вялі  барацьбу  супраць  улады,  супраць  людзей. Бандэраўцамі, бульбашамі, галавасекамі,  бандытамі  называлі  іх  у  народзе. І гінулі людзі, якія толькі хацелі жыць у міры і згодзе, аднаўляць разбуранае,  пакалечанае  жыццё.  Тут  пахавана Самуйлік Вольга Іванаўна, сястра партызанскага  камандзіра  Самуйліка Аляксандра Іванавіча. Помнік на магіле паставіў партызанскі камандзір у 1966 годзе. Магіла Самуйлік Вольгі Іванаўны з’яўляецца  не  проста  пахаваннем. Помнік,  які  пастаўлены  там,  з’яўляецца  данінай  памяці  тым,  хто  загінуў  ад рук  нацыяналістаў,  якія  лютавалі  ў  нашай мясцовасці ў пасляваенны час аж да 1954 года. Усяго бандыты забілі 11 чалавек. Пра падзеі тых часоў запісаны ўспаміны.

Раманюк, В.А. І ўзвышаюцца абеліскі... / В.А. Раманюк // Янаўскі край. - 2017. - № 28. – 11 красавіка. - С. 6.