Больш  за  300  маладых  мужчын пайшло з нашай мясцовасці на фронт вызваляць Еўропу. Не вярнулася з вайны 113 землякоў. Геаграфія іх подзвігаў вялікая – ад г. Каўнаса да ракі Одэр.

   На франтавых дарогах было і ўзяцце  Берліна,  і  сустрэча  з  саюзнікамі на  Эльбе.  Многія  маладыя  мужчыны знайшлі  сваю  смерць  ад  фашысцкай кулі далёка ад роднага дома. Дзякуючы сайту “Мемарыял” устаноўлены месцы іх баявых подзвігаў і смерці. Вядзецца работа  аб  вызначэнні  ўзнагарод,  якія яны не атрымалі.

   А  на  роднай  зямлі  баявыя  заслугі  ўганаравалі  помнікам  землякам, загінуўшым  у  гады  Вялікай  Айчыннай вайны, які знаходзіцца ў вёсцы Махро і  пастаўлены  ў  1965  годзе.  Па  прапанове  ветэрана  Вялікай  Айчыннай  вайны  Ражкаўца  Сяргея  Аляксандравіча  і пры  падтрымцы  сельскіх  улад  помнік быў  рэканструяваны  з  нагоды  70-годдзя Вялікай Перамогі. Акрамя імён загінуўшых, тут змешчана стэла з імёнамі  ўсіх  удзельнікаў  вайны,  з  якіх  27 чалавек  маюць  высокія  ўзнагароды: ордэн  Чырвонай  Зоркі  і  ордэн  Славы, медаль “За адвагу” і медаль “За баявыя заслугі”.

Раманюк, В.А. І ўзвышаюцца абеліскі... / В.А. Раманюк // Янаўскі край. - 2017. - № 28. – 11 красавіка. - С. 6.