Пахаваны ў ёй Калодзіч Рыгор Каленікавіч, які нарадзіўся ў 1926 годзе ў вёсцы Хамічава. З 1943 года быў партызанам атрада імя Нямытава Пінскай партызанскай брыгады. У сакавіку 1944 года ў час партызанскага рэйда на Укараіну захварэў на тыф. Яго хавалі жыхары вёскі Краснае ў лёху аднаго з дамоў. Ішоў ён ужо на папраўку, але быў яшчэ  слабым.  Фашысты  даведаліся пра яго і рукамі памагатых паліцэйскіх і  ўласаўцаў  ноччу  вывелі  са  сховішча, расстралялі  і  прысыпалі  пяском.  У час  пачатку  палявых  работ  на  полі, праз месяц пасля трагедыі, цела было знойдзена жыхаром вёскі Краснае і пахавана на мясцовых могілках. Родзічы паставілі дубовы крыж, які і праз шмат гадоў суседнічае з абеліскам.

Раманюк, В.А. І ўзвышаюцца абеліскі... / В.А. Раманюк // Янаўскі край. - 2017. - № 28. – 11 красавіка. - С. 6.