11 кастрычніка 2018 года споўнілася 105 гадоў з дня нараджэння беларускай паэтэсы, перакладчыцы  Эдзі Сямёнаўны Агняцвет (сапр. Каган),  якая ўсю сваю душу і любоў прысвяціла напісанню твораў для дзяцей. Пра  значныя дасягненні пісьменніцы ў галіне дзіцячай літаратуры сведчыць узнагароджанне яе ў 1986 годзе Міжнародным ганаровым дыпломам імя Г. Х. Андэрсэна. Да юбілею паэтэсы 15 кастрычніка ў Іванаўскай дзіцячай бібліятэцы прайшоў літаратурна-паэтычны час “Пад сінім небасхілам”.  Вучні 4 класаў  школы-гімназіі г. Іванава даведаліся шмат цікавага аб жыцці і творчасці Эдзі Агняцвет, пазнаёміліся з яе самымі вядомымі вершамі і паэмамі, якія ніколі не згубяць сваёй значнасці і папулярнасці сярод  чытачоў рознага ўзросту.