Моладава

Гісторыя вескі Моладава, маентка “Моладава”, звязана з іменамі двух магнацкіх родаў на Беларусі – Воінаў і Скірмунтаў.

Сам маентак быў спярша за Ясельдай, за Бусай, там, дзе калісь былі вескі Багнаўцы і Росаш. Цяпер захаваліся толькі ўрочышчы з такімі назвамі.

 ..... Сядзеў пан як бы на водшыбе: далека ад воднага шляху на Ясельдзе, ды ад дарогі Пінск – Моталь. Сюды і пераносіцца панская сядзіба. Для абслугоўвання маентка пан перасяляе на новае месца самых дужых, маладых, працавітых сялян. Вось з іх, маладых, і пачалася веска Моладава, вось чаму яна атрымала тукую назву.

Махро

У гэтым палескім кутку, пад зялёным ліпавым і тапалёвым дахам, схавалася непаўторная палеская вёска – Махро.

Праўда, з тае пары, як на заросшым балотным астраўку пасяліліся першыя жыхары, мінула шмат часу. Людзі жылі, працавалі, засялялі новыя мясціны, а мястэчка сваё назвалі Махро, бо знаходзілася яно сярод лясоў і палескіх пустэч, а з усіх бакоў да яго падступала балота. Ад слова “мокры” ўтварылася назва вёскі.

Моталь

 Аб узнікненнi Моталя ў мясцовых жыхароў ёсць многа паданняў. Цяжка зараз сказаць, якое з іх найбольш адпавядае рэчаіснасці, бо ў кожным — свая праўда, свае здагадкі.