...

       «Пісьменнік самабытнага таленту»- пад такой назвай у раённай бібліятэцы імя Ф.І.Панфёрава прайшоў вечар-партрэт, прысвечаны 120-годзю з дня нараджэння Кандрата Крапівы. Няма ніводнага беларуса, які б не ведаў гэта імя. Колькі цікавага і карыснага напісаў і пакінуў нам гэты таленавіты  чалавек  за  сваё  доўгае  жыццё!

      На сустрэчу з творчасцю выдатнага байкапісца завіталі вучні  10 класаў сярэдняй  школы №2. Вядучыя пазнаёмілі ўсіх з біяграфіяй і творчым шляхам К.Крапівы. Крапівінскія байкі,пабудаваныя  на  будзённых  жыццёвых  выпадках,  вабяць  народнай  мудрасцю,  у  іх  адчуваюцца  жывыя  сатырычныя думкі. 

      Гледачы пазнаёміліся з рознымі героямі. Гэта і сварлівая баба з байкі “Дзед і баба”, і ганарлівы конь - байка “Саманадзейны конь”, і аматар гарэлкі Хвядос з  паэмы-казкі “Хвядос – Чырвоны  нос” і  іншыя персанажы баек. Не застаўся без увагі і Крапіва-драматург. Як адмеціў сам аўтар, рознiца памiж байкай iкамедыяй хутчэй колькасная, чым якасная. Яны з'яуляюцца формамiадлюстравання галоўных з'яў жыцця. Яго п'есы вылучаюцца зместам, вастрынёй канфлiкту, мастацкай дасканаласцю. І ў доказ гэтаму на суд гледача была прадстаўлена інсцэніроўка паэмы “Хто смяецца апошні”.         

          Урывак твора, пастаўлены і абыграны работнікамі бібліятэкі сумесна з іншымі супрацоўнікамі культуры, не аставіў нікога раўнадушным.

       Дзякуючы відэа-агляду, які адлюстроўваў усе моманты мерапрыемства, сустрэча атрымалася змястоўнай і запамінальнай!