...

19 лютага Дружылавіцкая сельская бібліятэка запрасіла сваіх чытачоў на фальклорнае свята  “Жывая вада бацькоўскіх крыніц”,  прысвечанае  Дню роднай мовы. Вядучая, вучаніца 10 класа Сяглюк Дар’я, Сымон- музыка -  Баварчук Сямён  - вучань  9 класа, ды гаспадыня Лявоніха на адным дыханні трымалі сабраўшыхся гасцей свята.  Усе разам  успомнілі забаўлялкі, песні-калыханкі, жарты-перакруткі, гукі-самагудкі, адгадалі загадкі, што прыхаваліся ў чароўным  кошыку вядучай,  ды жартаўлівыя , што прапанавала гаспадыня Лявоніха. Самыя кемлівыя адгадчыкі атрымалі ад гаспадыні  румяны блінец.

А каб паласавацца  смачнай бульбачкай, дастаткова было хутчэй за іншых ачысціць яе ад шалупіння.

Прыйшліся да спадобы ўсім дзіцячыя прыпеўкі ў выкананні Баварчук Сафіі, Марчык Яны і Данілік Крысціны, што вучацца ў пятым класе.

З вялікім задавальненнем дзеці гулялі ў народныя гульні “У ката”,“Маша”, “І я”, адгадвалі  першую частку прыказкак ды прымаўкак. 

У нашых продкаў былі свае звычаі, правілы паводзінаў у сям’і. Некаторых з гэтых правіл прытрымліваюцца і цяпер, а некаторыя  пайшлі ў нябыт. I ў нашых гасцей была такая магчымасць  пагуляць і прыгадаць гэтыя звычаі.

 Падчас гульняў ў вядучай назбіралася шмат фантаў за няправільныя адказы дзяцей. І каб іх ім вярнуць, яны павінны былі іх выкупіць, а для гэтага- выканаць заданні гаспадыні Лявоніхі.  Толькі пасля аукцыёна, пачаставаўшыся блінамі ды аладкамі, гаспадыня пажадала ўсім сябраваць з роднай мовай. Акрамя гэтага, цікава прайшоў агляд кніжнай выставы “Звіні,мая светлая, родная мова!”.   Са словамі:“Бывайце, бывайце,  да новай сустрэчы. Дзеля сустрэч  і жывем на зямлі!”,- закончылася гэта сутрэча.