У рамках акцыі “Чытаем па – беларуску”, а таксама да Дня роднай мовы ў Тышкавіцкай сельскай бібліятэцы цікава і змястоўна прайшоў агляд літаратуры “Берасцейскія пісьменнікі – дзецям”,  які суправаджаўся электроннай прэзентацыяй.

Ля кніжнай выставы “Сэрцам роднага слова краніся” юныя чытачы бліжэй пазнаёміліся з гісторыяй роднага слова.

Лічыцца, што жывых моў на Зямлі ад 3 да 5 тысяч і 6 да 8 тысяч дыялектаў. І за кожнай з іх свой непаўторны свет зносін, гісторыя, культура, традыцыі, думкі і пачуцці пэўнага народа.

Беларуская мова – адна з развітых і багатых моў свету. На ёй выдадзены і кожны год друкуюцца навуковыя і мастацкія творы, напісаныя айчыннымі і замежнымі аўтарамі, часопісы, газеты, шматлікія слоўнікі, даведнікі і інш.

Увага бібліятэкараў была засяроджана на знаёмстве наведвальнікаў  з  берасцейскімі пісьменнікамі, кнігі якіх сталі лаўрэатамі абласной літаратурнай прэміі імя У. Калесніка.

Літаратурная прэмія імя У. Калесніка Брэсцкага абласнога выканаўчага камітэта была заснавана былым старшынёй Брэсцкага аблвыканкама К. А. Сумарам  у 2007 г. і прысуджаецца ў трох намінацыях: проза, паэзія, дзіцячая літаратура.

Пераможцы 2007 года: у намінацыі “Проза” – “Палеская элегія” М. Купрэева,

у намінацыі “Дзіцячая літаратура” - аповесць «Пастка на рыцара» Валерыя Гапеева,

Пераможцы 2008 года:    у намінацыі «Проза» - Дудзюк, З. I. “Кола Сварога”, у намінацыі «Паэзія» - “Трохперсце” : вершы. Калектыўны зборнік «Востраў Айчыны» складаюць вершы трох вядомых берасцейскіх паэтаў: Міхася Рудкоўскага (1936—1991), Міколы Пракаповіча (1948) і Алеся Каско (1951). Гэтых творцаў аб’ядноўвала вялікая любоў да сваёй малой радзімы, непадробны патрыятызм, адданасць і вернасць мацярынскаму слову.

         У намінацыі «Дзіцячая літаратура» -  Бензярук, Р. М. “Зайцаў кажушок”: казкi.

Пераможца 2009 года: у намінацыі «Дзіцячая літаратура» -  Бензярук, А. Р. “Свята для сэрца” : невялікія гісторыі для юных беларусаў.

Пераможца 2010 года: у намінацыі «Дзіцячая літаратура» -  Городецкая, З. “Сказки новогоднего леса” : пьесы : для детей сред. шк. возраста, якая пераведзена на беларускую мову.

Пераможца 2011 года: у намінацыі «Дзіцячая літаратура»-  Туруновский М. В. “Сказки для маленькой дочки”, на беларускую мову пераведзена Нінай Кананчук.

Прыемна было адзначыць пераможцаў 2012 года: у намінацыі «Проза»-

Крэйдзіч, А. М. “ Роднае, шчымлівае”.

З 2008 года Анатоль Крэйдзіч займае пасаду  галоўнага рэдактара Іванаўскай раённай газеты “Чырвоная звязда”, старшыня Брэсцкага абласнога аддзялення Саюза пісьменнікаў Беларусі.

         У намінацыі «Дзіцячая літаратура» - Жушма, В. П. “ Гарэза “. Васiль Жушма – лаўрэат многіх рэспубліканскіх і міжнародных фотаконкурсаў, аўтар персанальных фотавыстаў у Брэсце, Пінску і Іванаве, пераможца рэспубліканскага фота-інфармацыйнага тэлевізійнага конкурса, прысвечанага Алімпійскім гульням у Маскве. Член Саюза пісьменнікаў Беларусі, Беларускага саюза журналістаў.

         Пераможца 2014 года: у намінацыі «Дзіцячая літаратура» -  Сітуха, У. М. “Пра арэхі, сома і бабра” : казкі.

Юным чытачам былі прапанаваны і многія іншыя цікавыя беларускія творы, якія яны ўзялі з сабой пачытаць.

         Завяршылася сустрэча чытачоў з беларускімі выданнямі цікавай віктарынай

“Староначкі з моўнай скарбоначкі” і пажаданнем:

                          Каб белы свет не здаўся вузкім,

                          Каб годна жыць паміж людзей,

                          Любіце мову-беларуску,

                          Любіце з кожным днём мацней!