Глінна

Адкуль пайшла такая назва? Існуе шмат розных паданняў,  а вось якое найбольш блізкае да ісціны, невядома.

Можа гэтае… “ У вельмі далекія часы жыў у тутэйшых мясцінах багаты пан. Вырашыў ён пабудаваць палац. А патрэбнай гліны для гэтай справы не было. Паслалі на яе пошукі вопытных спецыялістаў. Абышлі яны ўсю акругу, а патрэбнага матэрыялу не знайшлі.

І толькі пасля доўгіх пошукаў наткнуліся на патрэбны будаўнічы матэрыял у месцы, дзе стаіць сучасная вёска. Ад гэтага і яе назва”.